كلمة بس

من طرف عصام قمر الأحد ديسمبر 13, 2009 4:01 am

كلمة بس

تسمح لي بكلمه بــــس

اقولها بشوق وهمـــس
ولـــو منعــني كسوفي
ومقلتهاش من خوفـــي
اتمنــي تحـس بيــها
زي م قلبـــي حـــس
********
لو قلت لك إن حياتي
في الكلمة دي هتصدقني
وإن قلت لك إنه ليلاتي
بحلم تهمس لي بيها ياحبي
ومهما طال ليها انتظاري
هاصبر عليك انا وأداري
ولا يمكن يوم تبرد ناري
إلا أما قلبك بيها يحس
********
أمر القلب مش بالأيد
ولا لوم العزال بيفيد
ولو قلبك مش حاسس بيا
عمري ف يوم ما هبقي سعيد
ولو مكتوب ع القلب جفاك
بردو عمري ما يوم أنساك
راح اصبر قلبي وهستناك
لحد م قلبك بيا يحس
********
كلمات عصام